Параглайдингийн цэгт газардах төрлийн Монгол улсын 2024 оны Үндэсний чансаа

Монголын Ханглайдинг, Параглайдингийн Нийгэмлэгээс 2024 онд цэгт газардах төрлөөр зохион байгуулсан дараах 4 тэмцээнд тамирчдын авсан нийт оноогоор Үндэсний чансаа тогтоон танилцуулж байна. Энэ жилийн тэмцээний хувьд олон орны шилдэг тамирчид ирж оролцсон чансаа өндөр олон улсын тэмцээнүүд хийгдсэн болно. Мөн энэ жилийн бүх тэмцээнүүд 8 раундаар зохион байгуулагдсан нь өмнөх жилүүдээс илүү чансаа шалгасан тэмцээнүүд зохион байгуулдсан байна. Дараах 4 тэмцээний тамирчдын оноог харах боломжтой холбоосыг байршуулав.

  1. Скайраннер клубээс 2024 оны 6 дугаар сарын 21-23 өдрийн хооронд зохион байгуулагдсан "ULAANBAATAR CUP 2024" тэмцээн. https://civlcomps.org/event/paragliding-accuracy-ulaanbaatar-cup-2024/results
  2. Фалкон клубээс 2024 оны 8 дугаар сарын 23-25 өдрийн хооронд зохион байгуулагдсан "MONGOLIAN CUP 2024" тэмцээн. https://civlcomps.org/event/mongolian-cup-2024/results
  3. Монголын Ханглайдинг, Параглайдингийн Нийгэмлэгээс зохион байгуулсан 2024 оны 7 дугаар сарын 5-8 өдрийн хооронд зохион байгуулагдсан "УЛСЫН АВАРГА ШАЛГАРУУЛАХ ТЭМЦЭЭН 2024". https://civlcomps.org/event/pga-mongolia-national-championship-2024/results
  4. Агула клубээс 2024 оны 10 дугаар сарын 5-6 өдрийн хооронд зохион байгуулагдсан "AGULA CUP 2024" тэмцээн. https://civlcomps.org/event/agula-cup-2024/results

Монголын Ханглайдинг, Параглайдингийн Нийгэмлэгээс тогтоосон Параглайдингийн цэгт газардах төрлийн Монгол улсын 2024 оны Үндэсний чансааг ашиглаж 2025 оны 10-р дугаар сард Турк улсын Аланяа хотод зохион байгуулагдах 13-дахь удаагийн Параглайдингийн цэгт газардах төрлийн Дэлхийн аварга шалгаруулах тэмцээнд эх орноо төлөөлөн оролцох шигшээ багийн бүрэлдэхүүнийг зарлаж байна. 

Үндэсний шигшээ багийн бүрэлдэхүүн:

  1. М.Энхбаяр - Skyrunner club
  2. Б.Болормаа - Falcon club
  3. А.Батдаваа - Falcon club
  4. Г.Буян-Өлзий - Falcon club

Нөөц бүрэлдэхүүн: 

  1. П.Бэхболд - Skyrunner club
  2. Ц.Мягмардорж - Tegri air sport club
  3. Ж.Эрдэнэзул - Skyrunner club

Эх орноо төлөөлөн Дэлхийн аварга шалгаруулах тэмцээнд оролцох шигшээ багийн тамирчид болон нийт нисгэгч нартаа спортын өндөр амжилтыг хүсье. Тэнгэр нь цэлмэг Газар нь зөөлөн Буулт оновчтой байг.

Монголын Ханглайдинг, Параглайдингийн Нийгэмлэг